Sipas informacioneve paraprake nga vendngjarja, një sasi eksplozivi ka shpërthyer në një automjet në qytetin e Shkodrës.
Bëhet me dije se ngjarja ka ndodhur në lagjen “Rus”, rruga “Martin Camaj”të këtij qyteti në orët e para të mëngjesit. Makina ka qenë e parkuar kur i është vendosur lënda plasëse.
Forcat e policisë së Shkodrës kanë mbërritur në vendngjarje duke nisur hetimet për zbardhjen e plotë të kësaj ngjarje.
Shkodër/Informacion paraprak
Në orët e para të mëngjesit, në lagjen “Partizani”, Shkodër, në automjetin e shtetasit Alban Bushati, 37 vjeç, i parkuar në rrugën “Martin Camaj”, është vendosur dyshohet lëndë plasëse tek goma e parë e automjetit, i cili është dëmtuar pjesërisht.
Grupi hetimor nën drejtimin e Prokurorisë po kryen veprimet për sqarimin e rrethanave, identifikimin dhe kapjen e autorit/eve.
