Policia e Shkodrës ia ka dalë të gjejë dhe të shoqërojë në Komisariatin e Shkodrës, nënën 31- vjeçare Kladia Hiluku, e cila bashkë me djalin e mitur, u largua nga banesa e saj 2 ditë më parë.
Ka qenë Policia e Shkodrës që ka dhënë njoftimin e saj zyrtar për ngjarjen, teksa ka dhënë edhe detaje për deklarimet e 31 vjeçares në Komisaritin e Shkodrës.
“Në lidhje me denoncimin e bërë më datë 23.05.2025, ku shtetasi Gj. Z., 41 vjeç, ka kallëzuar se i është larguar nga banesa, bashkëshortja sëbashku me djalin e tyre të mitur, ju bëjmë me dije se: Specialistët për Hetimin e Krimeve të Komisariatit të Policisë Shkodër kanë bërë të mundur gjetjen dhe shoqërimin në Komisariatin e Policisë Shkodër të 31 vjeçares së bashku me djalin e mitur, e cila ka deklaruar se është larguar nga banesa me dëshirën e saj.”, thuhet në njoftimin e DVP Shkodër lidhur me këtë ngjarje.
