Policia e kapi pas 11 muajve shpallje në kërkim, ndërsa sot Apeli i dha lirinë ish- kryebashkiakut socialist…

Gjykata e Apelit ka lënë sot të lirë ish-kryebashkiakun e Vorës, Agim Kajmaku.


Kajmaku u kap ditën e djeshme, pas 11 muajsh që ishte shpallur në kërkim, ndërsa Apeli vendosi sot masën “detyrim paraqitje”, gjatë seancës së mbajtur në spitalin ku ai po kurohej.

Kajmaku u vu në pranga në ambientet e një spitali privat në Tiranë, ku po merrte ndihmë të specializuar mjekësore, pasi vuante nga sëmundje kardiake dhe diabeti.

Ai qe shpallur në kërkim në nëntor të vitit 2019, i akuzuar për “falsifikim i vulave dhe formularëve”, “falsifikim i dokumenteve zyrtare” dhe “kryerja e funksionit pas dhënies fund të tij”.

Kajmaku është denoncuar nga Partia Demokratike për fshehje të dënimit në formularin e Dekrìmínalizimit, pasi nën emrin Jorgo Toro ai ishte dënuar në Greqi për falsifikim parash.

Mbështet Shkodraweb Media në misionin e vet! FALEMINDERIT!

Pas hetimeve dhe verifikimeve nga Prokuroria, akuzat e opozitës rezultuan të vërteta, duke bërë që KQZ ta shkarkojë atë nga detyra e kryebashkiakut.

Pas kësaj, ai u shpall në kërkim për shkelje të ligjit të Dekrímìnalizimit, por edhe për ushtrim të funksionit pas shkarkimit nga detyra.

Kjo, pasi ai kishte firmosur shkarkimin e dy nënkryetarëve të Bashkisë Vorë, pasi vendimit të KQZ për shkarkimin e tij.


REKLAMAT NË KËTË FAQE, JANË I VETMI BURIM PËR TË GARANTUAR PAVARËSINË, PAANËSINË DHE PROFESIONALIZMIN E KËSAJ MEDIA. NËSE KENI MIRËSINË NË KËTO REKLAMA, JU NA JEPNI NJË MBËSHTETJE TË ÇMUAR! FALEMINDERIT!