E përfshirë në polemika me Bashkinë Shkodër për çeshtjen e koncertit recital të Bujar Qamilit në stadiumin “Loro Boriçi”, KF Vllaznia ka njoftuar një nismë mjaft interesante.
Me një publikim në faqen zyrtare në Facebook, klubi shkodran ka njoftuar idenë e ngritjes së një televizioni, duke e quajtuar TV Vllaznia.
“PO VJEN DIÇKA E MADHE! TV VLLAZNIA – Televizioni zyrtar i krenarisë kuqeblu po vjen! Nga stadiumi te studioja, nga historia te e ardhmja.
Futboll, histori, pasion, intervista ekskluzive dhe gjithçka rreth Vllaznisë, 24/7 – në ekranin tuaj dhe online në çdo cep të botës! Shpejt, shumë shpejt…”, shkruhet në këtë njoftim.
