Të shtëna me armë zjarri në Golem të Shkodrës, raportohet për një të plagosur- jashtë rrezikut për jetën, bëjnë me dije burime paraprake nga vendngjarja. Paraprakisht, dyshohet si autor Marjo Kroni, i cili lëvizte me një furgon.
Policia është nisur drejt vendit të ngjarjes. Të njëjta burime bëjnë me dije se konflikti ka nisur mes një grupi personash, ku fillimisht është qëlluar në ajër e më pas një drejtim të njërit prej tyre.
Shkodër/Informacion paraprak
Rreth orës 17:50, në fshatin “Golem”, dyshohet se shtetasi Marjo Kroni, ka plagosur me armë zjarri shtetasin Renaldo Kola, 29 vjeç, banues në fshatin Golem.
Shërbimet e Policisë kanë shkuar menjëherë në vendngjarje dhe vijojnë kontrollin në zonë për kapjen e autorit. Grupi hetimor në drejtimin e Prokurorisë po punon për zbardhjen e rrethanave dhe dokumentimin ligjor të rastit.
