Piratët në Nigeri rrembejnë anijen në pronësi të kompanisë shqiptare, dyshohet se edhe marinarë janë…


Disa piratë vendas kanë rrëmbyer në Nigeri një anije, e cila është në pronësi të një kompanie shqiptare ‘STEVIA’.

Mësohet se peng janë marrë 8 persona, nga të cilat 6 janë konfirmuar se janë shtetas ukrainas, ndërsa kombësia e 2 personave të tjerë nuk dihet, por dyshohet të jenë shqiptarë.

Ngjarja ka ndodhur të mërkurën, 28 milje detare përkatësisht 51.8 kilometra larg brigjeve të Nigerisë e ndërsa sot është konfirmuar kombësia e 6 personave të rrëmbyer.

Oleg Nikolenko, zëdhënësi i Ministrisë së Punëve të Jashtme të Ukrainës tha se nisur nga fakti që bëhet fjalë për një anije mallrash shqiptare ‘STEVIA’ , dy qeveritë, ajo ukrainase dhe shqiptare po punojnë për të shpëtuar të rrëmbyerit.

ShkodraWeb Channel

Gjiri i Guinesë është rajoni më aktiv ekonomik dhe i pasur me naftë i Afrikës. Aktiviteti i piratëve në rajon është rritur në vitet e fundit. Më e fundit ishte në korrik ku u rrëmbyen 6 marinarë ukrainas në Gjirin e Guinesë, por u kthyen shëndoshë e mirë në shtëpi më 7 shtator, pra kaluan rreth 1 muaj e gjysmë në robëri.

Të nderuar miq e mbështetës! Duke klikuar në reklamat që shfaqen në këtë faqe, ndihmoni ShkodraWeb Media të vazhdojë të jetë e lirë!