Akoma nuk dihet saktësisht nëse lajmi është një spekulim apo një thashethem i mediave rozë, por shumë prej mediave ndërkombëtare kanë filluar të shkruajnë tashmë për një ndarje të mundshme të këngëtares së famshme Shakira dhe bashkëshortit të saj, futbollistit Piqué. Mediat meksikane njoftojnë se çifti i ka dhënë fund dashurisë së tyre disa vjeçare. Ata janë prindër të dy djemve. Mësohet se shkak i mosmarrëveshjes mes tyre ka qenë një person i tretë. 
Dyshimet se një prej çifteve më të preferuar të publikut janë drejt divorcit kanë nisur pasi u mësua se futbollisti dhe këngëtarja kolumbiane nuk jetojnë prej muajsh bashkë. Futbollisti i kombëtares spanjolle nuk ka publikuar më asnjë foto me Shakirën që prej 6 muajsh, siguron revista meksikane ‘Caras’. Ndërsa Shakira nuk e ka përmendur më Pique-në që prej dasmës së Messi-t, ku ata ishin të dy krahë njëri-tjetrit. Duhet të presim për të parë nëse prindërit e Milan dhe Sasha do të përballen me thashethemet, sepse as Pique dhe as Shakira nuk ka dhënë ende asnjë deklaratë.
