Prej tre ditësh ka nisur online mbledhja e firmave elektronike për një peticion me subjekt “Të rindërtojmë Teatrin Kombëtar atje ku ishte e si ishte”. Iniciativa po përcillet sot edhe tek sheshi ku do të zhvillohet protesta e dytë nga Aleanca për Teatrin, ku qytetarët firmosin në një formular. Ndërkohë, në peticionin online, në tekstin përcjellës lexohet:
“Shèmbja e Teatrit Kombëtar ishte një nga eventet më të tmérrshme që mund të ndodhnin ne kohë káràntine. Natën, në errësirë, me dhúnë, në pàbesi dhe me frikën se kush po e mbronte Teatrin ditë e natë nuk do të dorëzohej kurrë. Sot, akoma më shumë, duhet kerkuar me vendosje e besim rindëritmi i Teatrit Kombëtar atje ku ishte e si ishte.
Ndryshojnë qeveritë dhe pushtetarët e trashegimia kulturore vendoset herë pas here në rrezik. Rasti i shèmbjes se Teatrit Kombetar prezanton një nga me të pabesueshmit e me të cuditshmit raste të aferave kórruptive politike në dëm të pronës publike.
Me vendimin 377/2020 qeveria Shqiptare largoi prej vetes të gjitha përgjegjësitë për të mos patur pasoja të renda imazhi dhe elektorale, por pasojat jane mese evidente e ato do jene akoma e më fúndosëse jo vetëm për bashkinë Tiranë por për te gjithë grupin e qeverisjes aktuale që bëri transferimin e pronësisë së truallit të Teatrit Kombetar nga pronë shtetërore në pronë bashkiake.
Situata është e papranueshme dhe Teatri Kombetar duhet te rindertohet sa më parë atje ku ishte e si ishte. Trashëgimia kulturore dhe historike është e shenjtë dhe e paprekshme nga kthètrat kórruptive të politikës e për këtë motiv rindërtimi i Teatrit Kombetar duhet të kthehet në objektivin kryesor jo vetem për banorët e artistët e Tiranës por për të gjithë komunitetin dhe popullin shqiptar.
Çfarë mund të bësh:
Firmos këtë peticion
Shpërndaje me të gjithë miqtë
Rindërto Teatrin atje ku ishte e si ishte”.
Ndërkohë, të gjithë ata që duan të firmosin, mund të klikojnë KËTU. /ShkodraWeb Media/
