Me 7 tetor 2009, pas një sëmundje të rëndë, ndërroi jetë aktori shkodran Kolë Kaftalli. Ai ishte pjesë e një familje që i ka dhënë edhe emra të tjerë artit dhe kulturës shqiptare, me kontribut në teatër, kinematografi, regjisurë dhe ringrtitjen e teatrit të kukullave në Shkodër.
Kolë Kaftalli lindi me 2 shkurt 1946 në Shkodër. Aktor dhe rregjizor i mirënjohur i skenës shqiptare. Rrjedh nga nje familje e shquar artistesh. Një nga emrat e njohur të artit skenik sidomos në qytetin e Shkodrës. U diplomua në Institutin Arteve të Bukura në Tiranë. Pas diplomimit fillon punen në teatrin “Migjeni” në Shkodër. Me trupën e këtij teatri interpreton rreth 60 drama e komedi, perfishire edhe disa ne Teatrin Kombetar. Ka interpretuar në role të ndryshme edhe ne filma artistik te Kinostudios.
Në vitin 1978 bën debutimin ne film me një rol të vogël në “Nusja dhe shteterrethimi”. Ndër filmat e tjerë mund të përmendim: “Ditët që sollën pranverën” (Ndërlidhësi i bandës) 1979; “Sketerre 43” (Një nga të burgosurit) 1980; “Qortimet e vjeshtës” 1981; “Flaka e maleve” (Halili) 1982; “Njeriu i mirë” (Agroni) 1982; “Të paftuarit” 1985; “Kur hapen dyert e jetës” (Gjeka) 1986; “Bregu i ashpër” (Kryetari) 1988: “Një i tretë” (Skulptori) 1988 etj.
Pjesë e karrierës artistike të Kolë Kaftallit ka qenë edhe regjisura, ku numërohen disa drama të vëna në skenë prej tij në qytetitn e Shkodrës. Në periudhën e fundit të jetës ai iu kushtua teatrit të fëmijëve, duke qënë edhe i pari në qytetin e Shkodrës dhe në veri të Shqipërisë që ngriti teatrin e kukullave. Ndahet nga jeta ne moshën 63 vjecare me 7 tetor 2009, pas një sëmundjeje te rëndë.
