Si sot 4 vjet më parë, do të shuhej shuhej shumë para kohe dhe në moshë të re Eduard Grishaj, një nga intelektualët e veçantë të Shkodrës, ndër nismëtarët e mbështetësit e ndryshimeve demokratike që në orët e para të 1990- ës, mik i shumë shkodranëve e shqiptarëve, sidomos i mediave dhe i gazetarëve.
Një aksident fatal teksa po kthehej në Shkodër pranë familjes së tij, i mori jetën duke lënë trishtim dhe dhimbje jo vetëm tek familja, të afërmit por edhe tek të gjithë ata që e njohën. Në këtë përvjetor të katërt të ikjes, e kujton me një publikim shumë të ndjerë në rjetet sociale bashkëshortja e tij, Mirela.
“Prekjen e syve të tu e ndiej në çdo zgjim… U bë kohë tashmë, katër vite të gjata sa një jetë, që unë zgjohem e rizgjohem brenda çdo minute për të kuptuar se MUNGESA jote, sfilitëse e pushtuese, është në të vërtetë dëshmia më e fortë e PRANISË. Je larguar, por nuk ke ikur asnjëherë, sepse ti je me mua. Ti je me mua, e di. Ti je me mua EDI – DASHURIA ime e përjetshme! Ma ke rrokur zemrën, përgjithmonë!”, shkruan Mirela.
Eduardi apo Edi siç e thërrisnin miqtë e tij, është një largim që ndjehet, një mungesë e dukshme në përditshmërinë e këtij qyteti. Por njëkohësisht, ai nuk do të ikë kurrë nga kujtimet e familjarëve dhe atyre që e njohën dhe e vlerësuar për kapacitetin dhe dijen e tij të gjithnashme. Pushofsh në paqen e përjetshme mik! /ShkodraWeb/
