Një lajm i trishtë për familjen Dini këtë të shtunë. Është ndarë nga jeta, pasi humbi betejën me një sëmundje të rëndë, Dashamir Dini. Këngëtarja e njohur Barbana Dini, vajza e tij, ka reaguar në rrjetet sociale me një postim shumë prekës.
“Kete mengjes zgjohem zemerthyer,e shkaterruar shpirterisht… Miq sot humba nje nga njerezit me te shtrenjte ne jeten time, shokun tim me te mire… Ahhhh BAB. Sa shume gjera mund te them per ty, ti ishe heroi im,mesuesi me i mire i jetes, nje shembull drejtesie dhe miresie per kedo qe te njohu. Fitove cdo beteje ne jeten tende,ti humbe vetem betejen me dhimbjen… Sa krenare dhe me fat jam qe pata gjakun tend nuk mund ta shpjegoj me fjale. Ishe mbi te gjitha nje njeri i madh qe le nje boshllek shume te madh tek te gjithe ne. Perqafoje fort Ergin! Te dua pertej jetes!”, shkruan ajo.
INTERVISTA E FUNDIT E DASHAMIR DINIT
Me 13 maj 2025, Radio Shkodra festoi 80- vjetorin e krijimit. Gazetarja e mirënjohur Merita Sokoli, organizoi një emision- maratonë mbi 4 orë me të ftuar “live” në studio, intervista dhe materiale të arkivës. Sigurisht, nuk do të mungonte as drejtori për 7 vite i këtij institucioni, Dashamir Dini, i cili realizoi kështu intervistën e fundit në studiot e Radio Shkodrës!
Familja Dini, është përballur edhe me një tjetër humbje të rëndë, pasi në vitin 2016 u nda nga jeta në aksident vëllai i saj, këngëtari Ergi Dini, në një moshë fare të re. Para pak javësh, i ndjeri Dashamir Dini ishte pikërisht për vizitë në familjen e Barbanës në SHBA. ku këngëtarja jeton.
