“Përplasja e palëve”, Tahiri kërkon revokimin e “arrest në shtëpi”, Prokuroria kërkon “arrest me burg”

Avokati ish ministrit të Brendshëm Saimir Tahiri ka depozituar sot kërkesën për apelimin e masës arrest në shtepi, të caktuar ndaj ish-deputetit nga gjykata.

Avokati Maks Haxhija ka kërkuar heqjen e arrestit dhe hetimin në gjendje të lirë për Tahirin.

Por ndërkohë po ashtu kërkesë për ndryshimin e arrestit në shtëpi dhe caktimin e masës më të rëndë arrest me burg ka bëre dhe Prokuroria e Krimeve te Rënda.

Prokuroria kishte kërkuar të njëjtën masë edhe më herët, por kjo kërkesë ishte rrëzuar nga gjykata.

Tahiri po hetohet në kuadër të rolit të tij të mundshëm në bandën e “Habilajve”, që trafikonte sasi të mëdha të lëndëve narkotike drejt Italisë.

Pak kohë më parë ish-deputeti socialist e dorëzoi mandatin e tij, duke i hapur rrugën drejtësisë që të veprojë ndaj tij, pa u ndeshur në pengesën e imunitetit parlamentar që gëzojnë deputetët.