Përkeqësimi i motit ditën e sotme, IGJEUM paralajmëron reshje intensive në Shkodër dhe disa qarqe të tjera…

Instituti i Gjeoshkencave bën të ditur se gjatë ditës së sotme pritet niveli rrezik “i moderuar” nga zjarret në qarkun e Korçës, ndërsa në qarqet e tjera pritet niveli rrezik “i ulët” ose “s’ka rrezik”.

Gjatë ditës së sotme priten reshje mesatare deri lokalisht intensive në qarqet Shkodër dhe Lezhë, mesatare në qarkun e Durrësit, ndërsa të dobëta në qarqet e tjera.

Në disa nga qarqet reshjet pritet të shoqërohen edhe me shtrëngata.

Temperaturat minimale dhe maksimale të ajrit pritet të arrijnë:

në bregdet: 19 / 26 °C

në vendet e ulëta: 18 / 28 °C

në vendet malore: 11 / 24 °C

Era pritet të fryjë e lehtë deri mesatare, por për momente deri e fortë sidomos në bregdet dhe ne terrenet e larta malore.