Shkruan në Facebook kryetari i Bashkisë Malësi e Madhe, Tonin Marinaj: I privilegjuar t’i dorëzoja sot titullin: “Qytetar Nderi” një personaliteti të shquar të artit shqiptar, z.Gjelosh Mitaj me motivacionin: “Për punën dhe përkushtimin e tij si një qytetar bashkëkohor, si një kontribues në artin dhe kulturën malësore e më gjerë, sidomos në fushën e pikturës, duke lartësuar kurdoherë trevën tonë Malësi e Madhe.”
Gjeloshi është përfaqësues i denjë i shpirtit krijues malësor. Me ngjyrat e tij, ai ka skalitur në telajo historinë, traditat dhe bukuritë e trevës sonë.
Çdo vepër e tij është shprehje e identitetit tonë kulturor.
Përmes artit të Gjeloshit, padyshim që Malësia e Madhe është edhe më e vlerësuar dhe e nderuar.
