PASOJAT E TERMETIT/ Shkëputet masivi shkëmbor dhe godet mjetin ku udhëtonin dy burra dhe dy gra…

Loading...

(foto ilustruese) Lëkundjet e forta të tërmetit pasditen e sotme që shkundën të gjithë vendin dhe jo vetëm, kanë pasur pasojat e veta.  Një masiv shkëmbor është shkëputur në zonën e Valbonës duke goditur një automjet.

Nga raportimet e para, thuhet se masivi shkëmbor u shkëput nga lëkundjet e tërmetit. Ngjarja ndodhi në aksin Valbonë-Bajram Curri.

Katër shtetas kosovarë u goditën nga masivi shkëmbor teksa udhëtonin me një mjet Land Rover.

Valbonë, mjeti u godit në pjesën e bagazhit, dhe bëri 3-4 rrotullime. Por për fat të mirë, 4 shtetasit kosovarë, 2 burra e 2 gra, janë jashtë rrezikut për jetën. Ata u transportuan menjëherë në Kosovë. /BALKANWEB.com/

Loading...