Partia Demokratike zyrtare, ka reaguar në përfundim të “primareve” të organizuara nga Komisioni i Rithemelimit i PD- së në 6 bashkitë e vendit ku me 6 mars 2022 do të ketë zgjedhje të pjesshme vendore.
Reagimi ka ardhur përmes një publikimi në Facebook në faqen zyrtare të PD- së, ku shkruhet:
Një proces ku Berisha emëron, Berisha voton, Berisha numëron, është vetëm vijimi i tollovisë së krijuar nga personi i shpallur non grata për korrupsion.
As Berishën, as kandidatët e tij nuk i lidh asgjë me Partinë Demokratike.
Rama dhe Berisha po krijojnë një parti të re për të dëmtuar Partinë Demokratike dhe për ta mbajtur Shqipërinë në vendnumëro. Zgjedh Ramën, mban Berishën.
Zgjedh Berishën, mban Ramën.
Ditën e sotme, demokratët janë ftuar të zgjedhin të preferuarit e tyre si kandidatë për kryetarë bashkishë me 6 mars 2022.
