Pas ish- kryeprokurorit Adriatik Llalla, tashmë një tjetër shqiptar është ndaluar të hyjë në territorin e Shteteve të Bashkuara të Amerikës. Bëhet fjalë për një politikan shumë të njohur, më shumë për shkak të filantropisë së tij të spikatur dhe të pasurisë. Për hir të realitetit, këtë të fundit- pra pasurinë, të vënë para se të ndërmerrte rrugën e politikës në 2005- ën.
Ndërsa i pari- Adriatik Llalla ka kaluar në poste të larta si ILDKPI dhe Prokuroria përmes emërimit nga Kuvendi, Tom Doshi ka kaluar përmes votës direkte të qytetarëve të qarkut të Shkodrës. Kështu, në vitin 2005 mposhti PD-në në bastionin e saj në Nëshkodër duke u përballur “kokë më kokë” me Valentin Palin. Ishte koha kur PD do të vinte në pushtet për të qëndruar për 8 vite rradhazi. Ishte një periudhë kur Doshi kaloi në të gjitha sitat e mundshme të agjensive ligjzbatuese, pse jo edhe me paragjykim. Për rreth 1 muaj gazeta e partisë në pushtet hapi faqen e parë të saj me akuza për deputetin socialist. U bënë të gjitha kontrollet e mundshme, horizontale e vertikale, direkt e indirekte, nga Shqipëria deri në Australi. Përgjatë viteve në politikë, thuajse çdo vit Tom Doshi ishte subjekt i kontroll- verifikimit të pasurisë nga strukturat e shtetit, me përfshirje në disa raste edhe të Prokurorisë. Deri në këtë moment, nuk ka asnjë akuzë të vertetuar nga ato të artikuluara më së shumti nga foltoret politike.
Në vitin 2009, kur PD ishte në pushtet dhe po përgatitej të niste mandatin e dytë, Tom Doshi udhëhoqi fushatën e PS-së në Shkodër duke i dhënë PS-së 4 deputetë, këtë herë si pjesë e listës shumë emërore.
4 vite më pas, Tom Doshi i dha PS-së dhe të majtës atë që u konsiderua “fitore spektakolare”, duke bërë përmbysjen e madhe 6 – 5 në favor të koalicionit që do të qeveriste vendin, duke nxjerrë PD-në në opozitë.
Ato që mund të quhen “telashe” për Doshin nisën në marsin e vitit 2015, rreth 3 vite më parë. Deputeti socialist akuzoi Ilir Metën si ideator të një atentati kundër tij dhe deputetit demokat Mhill Fufi. Historia në fjalë tanimë është e njohur për publikun dhe po vazhdon. Kuvendi nuk ngurroi ti heqë imunitetin për një akuzë vertetë qesharake “dëshmi të rreme” që nuk duhet të arrestohet asnjë qytetar i thjeshtë. Jo vetëm kaq, prokurori Adriatik Llalla i vendosi edhe prangat, e la në paraburgim për 2 ditë dhe disa kohë më pas në arrest shtëpie. Standart, që pavarësisht akuzave shumë të rënda, Kuvendi nuk e ndoqi për ish- ministrin e Brendshëm Saimir Tahiri. Kur Doshit iu hoq imuniteti dhe u arrestua, ambasada e SHBA e përshendeti vendimin. Por kështu nuk ndodhi në rastin e refuzimit të bërë nga Kuvendi për ish- ministrin e Brendshëm Tahiri.
Si për ironi të fatit, edhe Lalla edhe Doshi, janë penalizuar nga DASH për të njëjtin motivacion “afera madhore korrupsioni, ose në shkelje të rënda të të drejtave të njeriut” që sipas gjasave janë standart nga DASH. Edhe sot, Doshi e ka akuzuar Llallën si të përfshirë në korrupsion, ndërsa për vete është shprehur i qetë duke ja lënë në dorë gjykatës verifikimin e akuzave për korrupsion.
Vetëm para pak muajve, në qershor 2017-të Tom Doshi u rizgjodh deputetet për të katërtën herë. Nuk kishte as siglën e PD, as të PS dhe as LSI. Një sigël modeste në Shkodër, siç ishte PSD, i dha Doshit mandatin. Pavarësisht sulmeve të hapura ose të fshehura politike, pavarësisht gjyqit që vijon ti zvarritet prej 3 vitesh tashmë, ai vazhdoi të qëndrojë në Kuvend.
Llalla dhe Doshi ishin dy nga tre personazhet “kryesore” të atentatit që deputeti i Shkodrës denoncoi në mars 2015. Ka edhe një personazh tjetër, i cili tashmë është në krye të shtetit, presidenti Ilir Meta. Pa përmendur personazhe “dytësore” si Tahiri apo kryeministri Rama. Edhe kreu i shtetit përmendet në një letër që Llalla i ka drejtuar Kongresit Amerikan, ku përsëri përmendet ambasadori amerikan në Tiranë që i ka kërkuar prokurorit të Republikës arrestimin e Ilir Metës, në atë kohë kryetar i Kuvendit. Nuk është e qartë nëse kjo kerkesë (sipas Llallës) u bë para apo pas publikimit të atentatit ndaj Tom Doshi. Në parantezë, Doshi e akuzoi në atë kohë Llallën si vegël të Ilir Metës… Normalisht Lu ka përgenjeshtruar ndërsa ka nxituar të realizojë një takim me Metën në Presidencë. Pyetja që ngrihet është: A do ti ndalohet edhe Ilir Metës hyrja në SHBA? Po Saimir Tahirit? Sepse kjo për edi Ramën nuk mund të ndodhë…sepse është në pushtet ekzekutiv! /Shënim i Shkodraweb/
