ShkodraWeb Media

E Vërteta të bën të lirë!

Opozita unifikohet rreth qendrimit të PD-së: Me Edi Ramën kryeministër dëmtohet integrimi i vendit në BE

Pas mbledhjes në selinë e PD, aleatët e Opozitës së Bashkuar dalin me qëndrim unanim se “me Edi Ramën në krye të qeverisë dëmtohet interesi kombëtar për nisjen e negociatave me Bashkimin Europian”.

Raportohet se në takimin me kryetarin e PD, Lulzim Basha, aleatët opozitarë i konsideruan 9 kushtet e vendosura nga Bundestagu si udhërrëfyesin që Shqipëria duhet të ndjekë pa vonesa, në mënyrë që të bindë vendet anëtare për hapjen e bisedimeve të anëtarësimit me Bashkimin Europian.

Burime nga takimi bëjnë të ditur se aleatët kanë ndarë të njëjtin mendim me kreun e opozitës, Lulzim Basha, se vendit i duhen zgjedhje të parakohshme, për të patur një qeveri të re që udhëheq integrimin europian.

PD dhe aleatët e saj janë shprehur të gatshëm të japin kontributin e tyre për reformën elektorale, siç e kërkojnë kushtet e Bashkimit Europian, një reformë që realizohet nëpërmjet dialogut të hapur me përfshirjen e të gjitha forcave politike dhe, më pas, zbatimin e saj për t’i dhënë vendit zgjedhje të lira e të ndershme.

Për tu bërë pjesë e grupit "ShkodraWeb Media" mjafton të klikoni JOIN GROUP dhe kerkesa juaj do të shqyrtohet menjëherë. KOMUNITETI SHKODRAWEB MEDIA ONLINE: https://www.facebook.com/groups/shkodrawebportal/

Copyright ShkodraWeb Media © 2019 All rights reserved. | Politika e Privatësisë nga ShkodraWeb Media.