Seanca e Kuvendit ka nisur me fjalën e kryetarit të PD-së Lulzim Basha. Në mbyllje të fjalës së tij, Basha ka kërkuar nga kreu i Kuvendit Gramoz Ruçi të përjashtojë zyrtarisht kryeministrin Rama nga Kuvendi, pavarësisht se ai nuk ishte i pranishëm në sallë. Nuk mund të ketë seancë normale pa përjashtimin nga salla të kryeministrit që fyeu popullin e tij, ka thënë Basha, të cilit i janë afruar edhe deputetët e opozitës që kanë bllokuar foltoren e Kuvendit. Pasi u ka bërë thirrje për largim nga foltorja, kryetari Ruçi ka ndërprerë seancën e Kuvendit.
