Nga Vehap KOLA
Agron Shehaj e nisi fushatën e tij me argumentin se duke qenë se Rama është i korruptuar, për ta mundur atë duhet një kundërshtar që nuk ka cilësitë e Ramës.
Me këtë ai përpiqej të nënkuptonte se Basha është i korruptuar. A nuk është ky nderi më i madh që i bëhet Ramës duke e mbështetur tezën e tij të propagandës se të gjithë janë njësoj?
Megjithatë Shehaj harroi se ajo që e bën Ramën tiran nuk është korrupsioni me fondet publike, por karakteri i tij autokrat, deliri i tij i madhështisë dhe arroganca, harbutëria ndaj njerëzve.
Këto i gjen tek vetë Agron Shehaj për këdo që e njeh dhe ka punuar me të.
Por stofi komik dhe analfabetizmi politik i Shehajt duket se nuk ka ngjitur mes demokratëve, prandaj Rama është hedhur të promovojë kandidaturën e tij.
Demokratët e kuptojnë shumë mirë se pse e bën Rama këtë: sepse Shehaj është mashë në duart e Ramës. Pasi dështoi para zgjedhjeve me Topallin, Patozin, Hajdarin dhe Murrizin, tani ai po përdor Shehajn.
Të gjithë keta nxituan që pa mbaruar numërimi të kritikojnë Bashën, pa thënë asnjë fjalë kundër Ramës që është autori i masakrës zgjedhore të 25 prillit i bëjnë sherbimin më të madh Ramëe duke shkelur me këmbë mbi mundin dhe sakrificën e gjithë anëtarëve të thjeshtë të PD që punuan aq shumë në këtë fushatë dhe qe e dine mirë se si u blenë dhe u vodhën keto zgjedhje.
Agron Shehaj ishte deputet i Vlorës. Ai nuk foli kurrë për Vlorën në Kuvend. Rasti i vetëm kur Vlora ishte temë diskutimi në Kuvend, ai bashkoi votën me Edi Ramën që Sinan Idrizi të ndërtonte aeroportin e Vlorës, edhe pse PD kishte deklaruar se ajo ishte një çështje korruptive.
Tani del e gënjen se ishte kundër djegies së mandateve. Si procesverbali i mbledhjes së grupit parlamentar të PD, si deputetët e tjerë të pranishëm e nxjerrin në rrenë Agron Shehajn. Ka votuar pro!
