Sesa u vlen lëkura gjithësecilit jashtë PD- së, e pamë. Pasi e shkëlyen copash 8 vjet në pushtet, tani i janë turrur partisë me bisturi me i marrë ç’ të munden me pagesë. I dëgjoj që shajnë Lulin mëngjes, drekë, darkë po si dëgjoj të thonë një fjalë për inceneratorët, i dëgjoj të reklamojnë në opozitë me Ramën, por kanë 7 vjet që nuk pipëtijnë asnjë fjalë ndaj PPP- ve, i shoh tek u flakërijnë dhëmbët matanë patavrave të PD- së po gjallë e në botë nuk thonë një gjysëm fjalë për atë të mjerin që dha shpirt në oborret e spitaleve.
Kunati i Lulit qenka më i keq se Arben Ahmetaj, gruaja e Lulit na paska më shumë faje së gjithë oligarkët e Edi Ramës me të cilët ata vetë janë partnerë, sekretarët e Lulit ia kalokan Damian Gjiknurit, Ilir Beqjes e kompani.
Vilat e Lulit qenkan më të pandershme se sarajet e atyre që fukarenj i solli dita e miliarderë i bëri nata. Luli e shpartalloi partinë në 17 Maj të 2017- ës duke i nxjerë nga lista, por fatkeqësisht koha i dha të drëjtë. Për këtë historia politike e asaj partie nuk do t’ ia falë sharlatanëve pa din e pa iman…
P.S. …Jo se janë ulur në prehërin e erektuar të Edi Ramës, por se i dhanë të drejtë Lul Bashës që i shkuli nga partia me gjithë plaçkën që ia grabitën asaj… /Nga Bledian KOKA/
