Femna asht aq vitale për jetën sa dhe vetë meshkujt, pra gruaja nuk asht inferiore ndaj burrit dhe në asnji mënyrë ma e ultë se ai. Ajo ka të drejtat e saj të cilat përputhen plotësisht dhe me detyrat. Në Shqypni nuk ekzizton pothuej asnji pengesë mes marrëdhënieve të femnës me meshkujt, bile as distancë nuk ka duke e quajtun normale.
Tek ne ka gra fisnike e sojnike dhe të mira në çdo drejtim të cilat i japin nder kombit tonë. Por duhet të jemi të vetëdijshëm se po shohim disa dukuri, mundet të pakta, por ato zmadhohen pa u kuptue dhe këto i shohim në disa kanale. Këto kanale mundohen me paraqitë arritje të personave të ndryshëm dhe të fushave të shkencës, art e kulturë etj., etj.
Pra ne mendojmë se kemi të bajmë me nji emision që na vlen, por në fakt ka dhe habinë e saj. Në këto emisione njiherit ftohen edhe gra dhe burra dhe shihen nga të gjithë moshat. Mirëpo serioziteti i emisionit bie poshtë kur të gjitha femnat pjesëmarrëse ma shumë se fjalët, paraqesin lakuriqësi.
Pyes, kujt i paraqiten në këtë mënyrë dhe rrinë tue tërhjekë fundat me dorë, publikut që të sheh apo modën qe don me përhap, apo don me tregue se jeni mbi të tjerat? A mund të quhet kulturë para nji vorfënije etj. Botes duhet ti marrim e ti përvetësojmë ditunitë, shkencat e progresin ekonomik etj.
Lutemi të bani kujdes se jemi tue rritë brez të ri dhe me pamjet e tyne, i shtyn vajzat e reja në imitim dhe pastaj fillojnë problemet në familje. Vllazen e motra, bashkëatdhetarë, sot jetojmë në nji sistem materialist i cili asht me prirje drejt parasë, drogës e krimeve të ndryshme duke mos përjashtue fitimin padrejtesisht, grabitje pronash dhe duke përfshi dhe lirinë seksuale. Te kemi kujdes në zbatimin e lirisë, me të drejtat dhe detyrat, të mos e lejojmë Shqypnin sot e nesër që prej nji populli i shquem për nder e karakter, të zbresë në pistën e imoralitetit.
Lakuriqësia nuk të zbukuron bijë e motër, por të zbukuron dinjiteti, karakteri e ndershmënia etj. Ju televizione keni marrë përsipër rolin e uljes së dinjitetit të femnës, duke i kërkue lakuriqësi në emision, po gaboni, nëse asht dëshirë e pjesëmarrjes së vetë femnave në emision mos i lejoni. Kështu po baheni përçues të së keqes dhe Shqypnija kurrë nuk ka me ju falë. /Nga Haxhi Fejzi ZAGANJORI, publikuar në Facebook/
