OPINION/ Na ndriçon tjetër diell…

Para 5 vitesh unë pata shkruar një letër për Elivar Golemin, një mikeshën time të mirë, që asokohe kryente funksionin e Inspektores së Përgjithshme të Bankës së Shqipërisë. Ishte një letër mendimi, mbështetjeje dhe solidariteti për të, për mënyrën e padrejtë që rrodhën ngjarjet dhe vijëmsinë që grabitja e Bankës së Shqipërisë, pati. A ishte ngjarje e rëndë? Pa dyshim. A u trajtua në mënyrë të paanshme dhe me drejtësi? Aspak.

Tani Elivar Golemi është fatmirësisht në pozita që mund ta mbrojë veten për mrekulli, dhe është e bekuar për gjithë forcën e hijshme që ka. Ndonëse është akuzuar pa asnjë provë, Apeli e quajti dje si fajtoren e vetme që u vodhën 7 miliardë lekë. Për ata që nuk e dinë, Eli nuk kishte përgjegjësinë e sigurisë dhe nuk kishte as çelësa, madje duhej te pajisej me leje të hynte në mjedisin ku mbaheshin paratë. Kishte vetëm shkresa që raportonte rregullisht. Por u vulos si fajtorja e vetme që kishte shpërdoruar detyrën, pavarësisht se u mundua të shpjegonte para togave shumë të zeza (në sytë e mi), se auditimi ka efekt prapaveprues e kontrolli i brendshëm në një bankë është gjë tjetër.

Golemi u shpall fajtore në letër pas 50 seancave gjyqësore të stërzgjatura, por në shpirt është e qetë, sepse fundja ndërgjegjja është ligji i vetëm që mbretëron tek njeriu.
Unë u trishtova sepse drejtësia është në hapat më të çalë që mund të ekzistojë në Shqipëri dhe njeriu i drejtë e ka të vështirë të çmohet dhe të gjykohet në një vend ku idealet për ta dalluar drejtësinë mungojnë, dhe zilia është kryefjala kryesore e jetës sot. A ligështohem? Pak po.

Më vjen keq për të ardhmen e përbashkët të gjithë atyre që punojnë me nder dhe ndihmojnë pa fre. Më vjen keq për brezin e ri, që pret të rritet i shëndetshëm në një kënetë ku as bretkosat nuk rrojnë, porse veç bari pa ngjyrë, që nuk lëviz dhe peshon nga shëmtia.

Sprovat për liri dhe drejtësi janë përpjekjet e përjetshme e të gjithëve ne që nuk aplikuam për Llotari Amerikane e as nuk patëm guximin për të çarë ujërat apo malet. Por ma besoni miq, duhet guxim i shumëfishtë, i përditshëm, për të ndenjur në Shqipëri, punuar, për t’u përpjekur për të mirën dhe gjërat e drejta për të cilat njeriu rron dhe ndan me të tjerët.
Përpjekjet me zemër për drejtësinë, për lirinë e brendshme, për solidaritetin nuk zbehen as tek unë, as te miqtë e mi. I ndriçon tjetër diell, ku ka veç një stinë. Pranverën. /Nga Arlinda ÇAUSHOLLI/

Loading...

Më shumë artikuj nga ShkodraWeb:

“Logo e PD-së për skrap…”, reagon fort ish- kryetari demokrat Berisha ndaj Edi Ramës: Në këmbë të gjithe t’i tregojmë…

Çfarë loje ka nisur të luajë sot Ditmir Bushati, drejt një “LMN 2” apo për Edi Ramën…?!

MINUTA E FUNDIT/ Përfundon në polici presidenti i Laçit Laska, u kallëzua nga presidenti Halili i Tiranës pas ndeshjes…

Close