Tashmë problemi im ndaj kryetarit të PD Shkodër dhe deputetëve shkodranë krah Bashës nuk është më urrejtja që paskan kultivuar në shpirt për Berishën. Ajo po shihet dita- ditës. Për ta Berisha nuk paska qenë asnjëherë ai lideri historik që e kanë adhuruar, por një komunist dhe diktator i pandreqshëm të cilin këta të zgjedhur me votat e shkodranëve, e bashkësulmuan pa u skuqur aspak gjatë gjithë ditës së djeshme.
Edhe unë personalisht e kam kritikuar dhe madje sulmuar vite më parë, por unë as nuk jam përfshirë në politikë e as nuk i kam borxh shkodranëve votat e marra në emër të PD, që të jap llogari për pozicionimin. Por kjo tashmë pak rëndësi ka. Berisha do të dijë vetë t’i përballë gjërat sy me sy me secilin prej tyre (gjithmonë nëse kanë kurajo).
Për mua që dje ka rëndësi të na sqarojnë të nderuarit të zgjedhur të Shkodrës, se si ti besojmë ne gënjeshtrat që lideri i tyre dhe ata bashkë me të po na thonë, duke na shkër*yer ato zyshat e matematikës të fillores me operacionin e pjesëtimit të 1958 për 5004.
Kur të na i nxjerrin jashtë loje të gjitha ato orë mësimi të fillores dhe të na bindin për këtë, jo me retorikat e mbrëmshme të liderit të tyre, atëherë ne që mendojmë ndryshe, do t’ju kërkojmë falje publikisht.
Do t’ju falim edhe listat e dasmës që kanë marrë dje me vehte në Tiranë, edhe femijët e vegjël në sallën e Pallatit të Kongreseve, edhe euforine e Xhod Amulit në FB, edhe fjalimin bashist të deputetes Bardeli në atë sallë.
Do t’ju falim të gjitha këto, nëse Xhoda, Greta, Helidoni si shkodranë të nderuar, do mblidhen të gjithë së bashku dhe të pjestojnë 1958 për 5004. Po arritën, unë do të kërkoj ndjesë publike për secilin prej tyre. /Publikuar në Facebook në faqen Monella Vagabonda/
