Në qarkun e Shkodrës ka përfunduar numërimi i votave të hedhura në kuti nga qytetarët shkodranë me 11 maj 2025. Dy kuti nga 405 në total, nuk janë numëruar dhe janë dërguar për vlerësim dhe numërim të mundshëm në KQZ. Ato i përkasin bashkisë së Shkodrës, teksa në bashkitë e tjera të qarkut, janë numëruar të gjitha votat.
Rezultati paraprak është: PD- 40.01 % ose 36904 vota; PS- 37.64 % ose 34721 vota, PSD- 17.11 % ose 15784 vota, ndërsa partitë e tjera mund ti shikoni në tabelën më poshtë. Sipas këtyre rezultateve, ndarja e mandateve deri tani është: PD- 5 mandate (7381 vota për mandat), PS- 4 (8680 vota për mandat) mandate dhe PSD- 2 mandate (7892 vota për mandat).
Siç shihet, PS i ka mandatet të mbrojtura dhe vështirë të rrezikohet edhe nga vota e Diasporës. Ndërkohë, PD e ka më pak të mbrojtur ashtu si edhe PSD përballë votës së Diasporës. Diferenca në vota të votuesve të brendshëm mes PD dhe PS është vetëm 2183 vota, ndërkohë që votat e Diasporës për qarkun Shkodër janë 13.523 dhe teorikisht, në përfundim të numërimit të tyre dhe përfshirjes në llogaritjen finale, mund të ketë ndryshim mandatesh, ku më e rrezikuar mund të konsiderohet PSD e cila është shumë pas në trendin e votës së Diasporës.
Deri tani, kur janë numëruar 2384 vota, PD ka 43.77 %, PS ka 39.09 % dhe PSD ka 39.09 %. Kështu që, do të rriten thuasje paralelisht PD dhe PS, ndërsa në përqindje mund të zbresë PSD, duke rrezikuar humbjen e një mandati dhe rezultati final mund të shkojë PD- 5 mandate, PS- 5 mandate dhe PSD- 1 mandat, favorizuar edhe nga numri tek i mandateve, 11.
