Bajerni i Mynihut, ka shtuar në muzeun e trofeve edhe një kupë tjetër, ose më saktë një Superkupë. Bavarezët kanë triumfuar në finalen e Superkupës së Gjermanisë ndaj Dortmundit me rezultatin 3-2 dhe kanë marrë në shtëpi trofeun.
Ndeshja mirë për të besuarit e Flik, që gjetën golin e avantazhit në minutën e 18’ me Toliso, teksa 14 minuta më vonë Myler shënoi të dytin. Megjithatë Dortmundi i mblodhi forcat dhe arriti të barazojë, si fillim shënoi Bradt në minutën e 39’, ndërsa në minutën e 55’ shënoi i zakonshmi Herling Haland.
Megjithatë kur të gjithë po mendonin për shtesat, nuk ishte i këtij mendimi Kiimish. Ky i fundit rrëmben një top në mesfushë dhe niset menjëherë në sulm, teksa pas një pasimi të dhënë, topi i kthehet sërish në këmbë dhe me ndihmën e fatit ia del ta dërgojë topin në rrjetë. Një ndeshje e luftuar nga të dyja ekipet për 94 minuta, por si gjithmonë në fund fiton Bajerni.
FT| Dortmund-Bajern 2-3
Bradt 39′, Haland 55’/ Toliso 18′, Myler 32′, Kimish 82′
