Komisioni i Pavarur i Kualifikimit ka shkarkuar nga detyra gjyqtarin e Tiranës, Altin Abdiu, djali i ish-kreut të Gjykatës së Lartë, Fehmi Abdiut.KPK vendosi shkarkimin e magjistratit, për shkak të problemeve me justifikimin e pasurisë.
Abdiu u përball të premten me vetingun, ku KPK i kërkoi barrën e provës në lidhje për transaksionet e pasurive ku rezulton bashkëpronar me familjarët, si dhe në lidhje me mungesën e burimeve për krijimin e një pjesë të tyre.
Abdiu u mbrojt me argumentin se pasuritë e paluajtshme janë krijuar nga prindërit, dhe ai nuk ka kontribuar për to.
I biri i ish-kreut të Gjtykatës së lartë, nuk mundi dot të justifikonte transaksionet në shkëmbimin e apartamenteve të mëparshëm që ka zotëruar ai dhe familjarët me dy apartamente të rinj, një vilë dy katëshe në një fshat turistik në Golem, si dhe për një automjet tip Benz të blerë në më pak se gjysmën e vlerës që kishte paguar shitësi.
