“Nuk mblidhet asnjë kryesi apo kuvend”, zbardhet debati Basha- Noka në PD, kreu demokrat: S’mund të këtë në kuvend antiamerikanë

Kryesia e Grupit të Paritsë Demokratike është përfshirës sërish në debate për vendimin e Lulzim Bashës për të përjashtuar nga Grupi Parlamentar, ish-liderin historik të PD-së, Sali Berishën. Gazetar i  Panorama.al, Mariglen Kume ka zbardhur debatet me dyer të mbyllura në Kryesinë e Grupit të PD-së.

Gjatë kësaj mbledhje, deputeti Flamur Noka ka debatuar me tone të ashpra me kryetarin e PD-së, Lulzim Basha për përjashtimin e Sali Berishës. Por Basha ka sqaruar se ky vendim nuk ka më kthim prapa dhe se s’mund të lejonte që në Kuvend të kishte deputetë apo grupime anti-amerikane me logon e PD-së.


Kreu i PD-së ka thënë se vendimi përjashtimin e Sali Berishës s’ka qenë vendimi i jetës së tij, por vendimi më i vështirë i jetës së tij. Më tej gjatë debatit, Flamur Noka e ka quajtur si thikë pas shpine vendimin e Bashës, ndërkohë që ka thënë se Lulzim Basha duhet të thërriste Këshillin Kombëtar për të vendosur.

Kërkesa për Doktorin nuk ka ardhur nga zyrtarë të nivelit të tretë apo të rangut të ulët. Ka ardhur nga kupola e shtetit amerikan. Informacionet i di unë siç  i di shumë mirë edhe doktori dhe që ju s’keni për ti marrë vesh kurrë. Vendimi nuk ka me kthim pas. Nuk mblidhet asnjë kryesi apo kuvend se s’mund të këtë në kuvend antiamerikanë!”, ka thënë Basha.

DEBATI NË KRYESINE E GRUPI TE PD

Lulzim  Basha: Vendimi për Sali Berishën nuk ka me kthim pas! Pastaj ka një keq lexim që bëhet ose interpretohet ne media. Doktori nuk është përjashtuar përfundimisht, nuk është linçuar. Ndaj tij janë thënë fjalët më të mirë.

Por siç ka deklaruar edhe vetë ai do të ndjek procesin gjyqësor. Dhe derisa e vërteta të dalë në shesh do të qëndroj jashtë grupit. Ai nuk është perjashtuar as nga strukturat që të ishte nevoja për mbledhjen organeve të PD. Nuk është vendimi jetës time, por vendimi me i vështirë i jetës time…

S’ka për të pasur grup anti-amerikan në logon e PD. Jam marrë edhe tre muaj për zgjidhjen e këtij konflikti, nuk ka qenë vendim i marrë në minutat e fundit . Vendimi është marrë për të mos përçare partinë dhe demokratët.

Flamur Noka: Pa i dhënë drejtim çështjes së Berishës nuk mund të diskutohet asgjë për aksionin opozitar! Me ketë vendim për Berishën ishte thike pas shpine!

Lulzim  Basha: Kërkesa për Doktorin nuk ka ardhur nga zyrtarë të nivelit të tretë apo të rangut të ulët. Ka ardhur nga kupola e shtetit amerikan. Informacionet i di unë siç i di shumë mirë edhe doktori dhe që ju s’keni për ti marrë vesh kurrë.

Flamur Noka: Po e keni marrë vendimin pa asnjë organ vendimmarrës. Duhet të ishte thirr Kuvendi.

Lulzim Basha: Vendimi nuk ka me kthim pas. Nuk mblidhet asnjë kryesi apo kuvend se s’mund të këtë në kuvend antiamerikanë!