Kryetari i PD- së Sali Berisha, deklaroi se Jorida Tabaku dhe Ilir Alimehmeti gëzojnë reputacion dhe për atë që ka thënë zonja Adriana Kalaja për Tabakun, nuk ka asnjë provë apo fakt.
I ftuar në një emision televiziv, kreu i PD vlerëson figurat e PD, dhe nëse ndonjëri ka mbetur jashtë Kuvendit, ka vend në struktura të tjera, sepse partia nuk ka vetëm Parlamentin.
Moderatori Endri Xhafo: Adriana Kalaja deklaroi se Jorida Tabaku u zgjodh me përkrahjen e oligarkëve pranë Ramës…
Berisha: Jorida Tabaku është sot deputetja më e votuar e PD nuk kam asnjë të dhënë për atë që thotë zonja Kalaja, nuk kam asnjë fakt dhe provë për atë që thotë. Tabaku ka bërë një fushatë më intensive që ka bërë ndonjë në këto zgjedhje.
Fakti që Tabaku dhe Alimehmeti patëm atë përkrahje dhe për Alimehmetin ndjej keqardhje sepse ka reputacion të lartë. Por PD nuk ka vetëm Parlamentin. Nuk u përgjigjën votat, sepse Ilir Metën dhe Fatmir Mediun e ndjekin padrejtësisht. Përpjekje e Ramës për të hequr qafe dy partitë që përfaqësojnë, por nuk do të mundet.
