Një tjetër talent futbolli duket se po ecën në rrugën e duhur. Përpara ka shembullin e talenteve si Balaj, Hysaj, Broja dhe të tjerë. Është vetëm 18 vjeç dhe quhet Franc Marinaj. Është produkt i Akademisë Partizani por genet janë të trevës nga ka origjinën 18 vjeçari, Malësia e Madhe.
Vlerësimet për Francin, kanë qenë që në hapat e parë të karrierës si futbollist. Mesfushori me tipare sulmuese, njeh rritje nga dita në ditë. Këtë e thonë edhe specialistë dhe emra të njohur të futbollit.
“Një yll i ri po lind tek skuadra jonë ai quhet Franc Marinaj është vetem 18 vjeç dhe pozicioni i tij është sulmues dhe është pjesë e Partizanit U-19,është një prdoukt 100% i Akademisë.
Marinaj në çdo miqësore që është thirrur nga trajneri Daja gjithmonë ka shënuar nga një gol sado që gjithmonë është aktivizuar në pjesën e dytë.
Lojtari është federuar tashmë edhe në ekipin e parë duke bindur trajnerin Daja dhe tashmë janë në pritje për fillimin e sezonit të ri që me shumë gjasa pritet të nisi këtë javë.”, shkruhet në një nga postimet e KF Partizani.
E sotmja por edhe e ardhmja e këtij futbollisti, duken në rrugë të mbarë. Falë talentit por më shumë punës e përkushtimit të përditshëm, Franci do të ecë përpara. Suksese në karrierë! /ShkodraWeb Media/