Sot Marcel Hila i atashohet ekipit të AIDSSH- Autoriteti i Informimit mbi Dosjet e ish- Sigurimit të Shtetit, në pozicionin e zyrtarit ekspert ligjor/shkrues e raportues, në kuadër të projektit të përbashkët ICMP-AIDSSH “Rritja e ndërgjegjësimit të publikut për drejtësinë tranzicionale dhe të pajtimit: të zhdukurit në komunizëm”, i mbështetur nga BE.
Kontributi i Hilës do të përfshijë kontaktet me familjet dhe mbledhjen e dëshmive për të zhdukurit, koordinimin me institucionet përgjegjëse për ndërtimin e një udhëzuesi për të drejtat e familjeve të të zhdukurve, me informacion për legjislacionin e brendshëm dhe ligjin ndërkombëtar të zbatueshëm të të drejtave të njeriut në lidhje me personat e zhdukur.
Po ashtu, organizimin e takimeve me komunitetin për të paraqitjen e Udhëzuesit në disa dialogë lokalë, në bashkëpunim të ngushtë me institucionet e përfshira, pushtetin lokal, prokurorinë, grupet e interesit, familjarët e viktimave e të rinj.
Më herët Hila ka kontribuar në dokumentimin e së shkuarës përmes botimeve që trajtojnë histori tronditëse të diktaturës, që nga “Perla në plagën e një martese” (2008) mbi historinë e rrallë të Valentin Pervizit, “Internimi i kufomës” mbi dëbimin e pabesueshëm nga shtëpia të familjes së Zoi Xoxës ditën e varrimit të djalit, “Zoti zbret në ferr”, mbi burgun e Burrelit dhe “Rrëfenja në shtëpinë e një mikpritësi”, mbi hebrenjtë në Shqipëri.
Për bashkëpunime, publikime reklamash, njoftimesh në ShkodraWeb, mund të shkruani në SMS, Whatsapp, Viber +355 67 300 20 70 ose mail: info@shkodraweb.com në çdo kohë!
