Komisioni Europian rrëzon propozimin e hedhur nga Kryeministri Edi Rama, i cili në seancën solemne të 10 vjetorit të Pavarësisë së Kosovës të shtunën, hodhi idenë që Shqipëria e Kosova të kenë një President të përbashkët.
Përmes një reagimi zyrtar, zëdhënësja e KE-së Katherine Rasy, nënvizon se kjo deklaratë mund të interpretohet si ndërhyrje politike në vendet fqinje.
Sipas KE-së, të tilla deklarata nuk i shërbejnë ndërtimit të marrëdhënieve të mira fqinjësore, dhe si dhe progresit në rrugën e integrimit në BE.
Duke iu përgjigjur deklaratës së disa mediave në Bruksel se idea e Ramës është e ngjashme me projektin e Shqipërisë së Madhe, Komisioni Evropian përsërit se BE do të vazhdojë të mbështesë parimet e pajtimit dhe bashkëpunimit rajonal në Ballkanin Perëndimor.
“Deklaratat që mund të interpretohen si ndërhyrje politike në vendet fqinje nuk ndihmojnë në ndërtimin e marrëdhënieve të mira fqinjësore. Në vend të kësaj, BE pret që i gjithë rajoni të vazhdojë ndërtimin e marrëdhënieve konstruktive dhe bashkëpunuese dhe të forcojë proceset e veta të reformave në mënyrë që të përparojë në rrugën e integrimit në BE.” tha zëdhënësja e Komisionit Evropian Katherine Ray.
Kujtojmë se deklarata e Ramës ngjalli debate në publik, jo vetëm në Shqipëri e Kosovë, por edhe në vendet e rajonit./gazetaexpress/
