Një makinë tip Benz është gjetur e djegur në fshatin Karakullak të Elbasanit. Pas verifikimeve, ka rezultuar se mjeti është vjedhur në Fushë- Krujë. Dyshimet e para janë se makina është përdorur në ngjarjen e ndodhur para disa orëve në qendër të Elbasanit, ku u ekzekutua avokati Ravik Gurra. Siç është raportuar, ai ishte e njohur si avokat i Emiliano Shullazit dhe Çapjave të Elbasanit.
Një person i është afruar ndërsa Gurra po pinte kafe në një lokal në qendër të Elbasanit. Ai ka përdorur një pistoletë me silenciator për të ekzekutuar avokatin. Vetëm pasi ka rënë pajetë në tokë, personat që ishin në lokal kanë konstatuar ngjarjen e rëndë. Personi që ka kryer vrasjen, është larguar me një mjet që e priste. Sipas gjasave, është i njëjti që u gjet nga policia e Elbasanit i djegur.
