U zhillua mbrëmjen e sotme në Paris të Francës, ceremonia e “Topit të Artë”, çmimi i përvitshëm që jepet nga revista “France Football”, ku 173 gazetarë nga e gjithë bota kanë votuar për lojtarin më të mirë të vitit.
Parashikimet ishin të mëdha që fituesi të jetë Luka Modriç, e kështu ka ndodhur duke lënë pas në podium Kristiano Ronaldon dhe Antuan Grizman. Kroati ishte i pari duke thyer hegjemoninë 10-vjeçarë të Ronaldos dhe Mesit në këtë çmim individual, ku të dy e kanë fituar nga 5 herë. I fundit para tyre, ka qenë Kaka që e ka fituar këtë çmim.
Për herë të parë ka patur një fituese edhe për femrat dhe ajo ishte Ada Hegerberg, sulmuesja e Olimpikut të Lionit në Francë. Kjo është hera e parë që jepet një Top i Artë për femrat.
