Nje deputet i Shkodres nen hetim te hollesishem per “dekriminalizimin”

Komisioni Qendror i Zgjedhjeve i ka kerkuar Prokurorise te zhvilloje nje hetim te detajuar per disa deputete qe moren mandatin me zgjedhjet e 25 qershorit 2017. Burime nga KQZ bejne me dije se ne fokus eshte formulari i dekriminalizimit i depozituar nga deputetet ne momentin e kandidimit ne zgjedhjet e fundit parlamentare. Te njejtat burime pohojne se behet fjale per disa deputete, mes te cileve edhe nje i Qarkut te Shkodres. Ne pamundesi verifikimi nisur nga koha e shkurter ne dispozicion, KQZ dhe Prokuroria kane kaluar si „te paster“ te gjithe kandidatet, por duke lene te hapur mundesine e rishqyrtimit te deklaratave te dekriminalizimit, meqenese e mundeson edhe ligji efektin prapaveprues.

Ndersa verifikimet brenda Shqiperise mund te konsiderohen te ezauruara, Prokuroria ka kerkuar informacion ne disa vende te BE, ku deputetet aktuale kane deklaruar se kane qendruar perkohesisht apo me periudha te gjata, kane punuar ose thjeshte kane jetuar ne pritje te legalizimit. Ky hetim pritet te jete i detajuar dhe i shtrire ne kohe qe nga viti 1990 e deri me sot. Vlen te thkesohet se lista qe KQZ i ka derguar per hetim Prokurorise, perfshin deputete nga te gjithe krahet politike. Deri ne keto momente, kjo liste eshte mbajtur sekret qofte nga KQZ ashtu dhe nga Prokuroria, por nuk perjashtohet qe permes burimeve te ndryshme qe mund te kene, deputetet te jene vene ne dijeni dhe te nisin „levizjet“. Pikerisht kete pret edhe Prokuroria, sipas parimit me te thjeshte te hetimit qe „kush leviz, le edhe gjurme“. Personat nen hetim nga Prokuroria nuk rrezikojne thjesht humbjen e mandatit, por edhe ndjekje penale. ©ShkodraWeb