Pas lajmit të bujshëm për ndalimin e portierit të Partizanit, Alban Hoxhës, nga Partizani, vijë edhe detaje të reja. Ai është ndaluar në orët e para të mëngjesit të sotëm, dhe pritet të dalë për masë sigurie në Gjykatë ditën e martë, për të mësuar nëse do të lirohet apo jo.
Siç mësohet, në testin e alkoolit Alban Hoxha ka rezultuar në masën 0.52 miligramë për litër, ndërsa norma e lejuar është 0.30 miligramë për litër. Ja edhe njoftimi i Policisë, për ndalimin e Alban Hoxhës, i cili është kapur në rrugën “George W Bush”, gjendur pranë Parlamentit, dhe gjendet në Komisariatin 1.
Policia Rrugore arreston në flagrancë tre shtetas për drejtim mjeti nën efektin e alkoolit. Nga shërbimet e Policisë Rrugore u arrestuan në flagrancë shtetasit:
– D. A., 25, vjeç banues në Tiranë, pasi në rrugën “Isuf Elezi”, u kap nga shërbimet e policisë rrugore duke drejtuar në gjendje të dehur mjetin.
– L. L., 24 vjeç, banues në Tiranë, pasi në rrugën e “Kavajës”, u kap duke drejtuar në gjendje të dehur mjetin.
– A. H., 31 vjeç, banues në Tiranë, pasi në rrugën e “George W Bush”, u kap duke drejtuar në gjendje të dehur mjetin.
Materialet në ngarkim të shtetasve të lartpërmendur i kaluan Prokurorisë së Rrethit Gjyqësor Tiranë për veprën penale “Drejtim mjeti në mënyrë të parregullt”, parashikuar nga neni 291 i Kodit Penal.
