Nis riparimi i radhës i dyshemesë së urës së vjetër të Bunës, Benet Beci koordinon bashkëpunimin e institucioneve

Edhe pse nuk e ka marrë ende zyrtarisht detyrën e kryetarit të Bashkisë Shkodër, Benet Beci ka ndërhyrë për gjetjen e mundësisë së riparimit të dyshemesë së urës së vjetër të Bunës, falë mbështetjes nga Ministria e Mbrojtjes.

Ky institucion e ka në kujdes të përbashkët këtë urë me Drejtorinë e Trashëgimisë Kulturore në Shkodër, e shpesh kjo është kthyer në temë debati për përgjegjësinë e mirëmbajtjes së saj.

Duke marrë në konsideratë shqetësimet e shprehura nga komuniteti edhe përmes mediave, kryetari i zgjedhur Beci ka nxitur bashkëpunimin mes institucioneve dhe si rezultat, sot ka nisur puna për riparimin e urës.

Ura e vjetër e Bunës është kthyer prej disa kohesh në një shqetësim për kalimtarët, pasi dëmtimi i shpeshtë i dyshemesë prej dërrase vështirëson qarkullimin dhe paraqet rrezikshmëri, si për këmbësorët ashtu edhe për pedaluesit dhe motorçikletat, të cilave u lejohet kalimi.