NGA VALBONA KARAKAÇI – Universitetet janë limfa e qyteteve, por ato nuk jetojnë të izoluar nga realitetet shoqërore

Universitetet janë Limfa e Qyteteve. Të bekuar janë ato komunitete që kanë trashëguar përgjegjësinë për t’i ruajtur e çuar më tej këta motorë të fuqishëm zhvillimi.

Sidoqoftë, ato nuk jetojnë të izoluar nga realitetet shoqërore! Fenomenet e shëmtuara që kanë nxitur një “fortunë” anatemimi në rrjetet sociale edhe pse të legjitimuara, nuk na ndihmojnë në këtë moment. Universiteti është i brishtë e ka nevojë për marrjen në mbrojtje nga komuniteti i vet: Vetë-mbrojtja nuk do mjaftojë!

Solidariteti juaj është i rëndësishëm për të shmangur një rrezik me kosto afatgjatë për qytetin: Humbjen e Universitetit!

Ju siguroj se në ato auditore ka qendrestarë: Njerëz e profesionistë të virtytshëm si në të gjitha institucionet e dërrmuara nga një tranzicion i tejzgjatur! Ruajeni këtë pjesë të shëndoshë të qytetit: Hhumbja e njerëzve të ditur duke i bërë pjesë të problemit nuk është zgjidhje! Solidarizohu me Universitetin! /Nga Valbona KARAKAÇI, pedagoge, publikuar në Facebook/