Ditën e sotme, në orët e para pas mesnate ndryshon ora. Ndërrimi i akrepave të orës me një orë pas ndodhi natën mes të shtunës 30 dhe të dielës 31 tetor, kur akrepat u zhvendosen nga ora 3:00 në 2:00.
Kalimi nga koha verore në atë diellore, që në fakt shënon ardhjen e periudhës së dimrit, do të sjellë si çdo vit avantazhe dhe disavantazhe.
Me orën dimërore, do të kemi më pak ditë dhe më shumë natë. Me ndryshimin e orës në realitet do të humbasim një orë dritë pasdite, të cilën do ta rikuperojmë në mëngjes, siç do ta vërejnë sidomos ata që zgjohen herët.
Ora dimërore do na shoqërojë deri në natën mes të shtunës 26 dhe të dielës 27 mars 2022, kur akrepat do të kthehen në orën verore. Ndonëse BE diskutoi që ora mos të ndryshohej më, pra që të rrinte ora verore, ende nuk është marrë një vendim.
