Katër shqiptarë janë arrestuar në Zvicër, pasi u kapën me drogë. Mediat vendase raportojnë se lënda narkotike kishte mbërritur direkt nga Shqipëria në mesin e muajit shkurt, konkretisht një sasi prej 15 kg heroine.
Aksioni policor u zhvillua në Gallen, Cyrih, Schwyz dhe Gjenevë, ndërsa vlera e lëndës narkotike i tejkalon 1 milion franga. “Droga arriti në rajonin e Linthgebiet direkt nga Shqipëria”, shkruajnë mediat zvicerane. Në pranga gjithashtu u vunë edhe dy vëllezër nga Serbia të cilët shpërndanin drogën.
Nga rajoni Linthgebiet, droga shpërndahej tek tregtarët me shumicë në të gjithë Zvicrën. Gjithashtu u sekuestruan edhe sasi para cash, që dyshohet se ishin përfituar nga aktiviteti i paligjshëm.
