Degradon lufta për pushtet mbi futbollin, ose më qartë mbi biznesin futboll. Se biznes duhet të jetë, se ndryshe nuk mund të vihen në lojë përveç nderit e dinjitetit inekzistent, koqet dhe muskujt politike të paleve në konflikt.
Nuk bëhet fjalë të diskutohet për:
1- Luftën kundër informalitetit.
Publikimi i parapakkohshëm i pagave në futboll ishte një copëz e shijes së ndyrë të këtij fenomeni.
2- Luften kundër manipulimeve.
Është fakt që të dënuar s`ka, sepse prova s`ka dhe me këtë sistem drejtimi dhe më tej me këtë prokurori të degjeneruar, nuk do të ketë kurrë as, prova, as fakte, as të denuar e as frikë për ndonjë shitblerje rezultati.
3- Ndalimin e financimit të garipëve profesionistë nga miliona të buxhetit të taksapaguesve dhe e lidhur me këtë, më në fund privatizimin e klubeve sportive
4- Krijimin më në fund dhe funksionimin real të Ligës Profesioniste
5- Kufizimin radikal të të huajve në të ashtëquajturën Superiore.
Se që ta dini ju kategoria e parë quhet superiore, e dyta quhet e parë dhe e treta quhet e dytë.
6- Për një shpërndarje optimale të gjeografisë futbollistike duke përfshirë patjetër në elitë qendrat e mëdha urbane të vendit. Është banale të zhvillohet kampionati pa pjesëmarrjen e Vlorës, Beratit, Gjirokastrës, Lushnjës, Fierit, Kavajës, Elbasanit.
7- Rritja e menjëhershme e numrit të pjesëmarrësve në kategorinë superiore dhe zhvillimi i ndeshjeve të kampionatit në bllok dhe jo një ndeshje përditë duke humbur shijen e një aktiviteti kombëtar.
8- Konkurrencë e ndershme, ballafaqim idesh, boll me rezultate unanime spektakolare në zgjedhjen e manekinëve në krye të organeve të zgjedhura. Lobi drejtues i deritanishëm dhe kushdo qofte në të ardhmen ka nevojë për opozitë, për rrahje mendimesh, për mendim ndryshe dhe jo ushtarë të paguar që në këtë rast i bie të jenë mercenarë.
9- Kufizimin e mandateve të shefit të FSHF- së.
10- Terrene sportive e jo beton e kioska droge.
Ja pra për këto nuk bëhet fjalë. Dhe nuk ka si të bëhet fjalë përderisa publiku ynë sqimëtar e artëdashës i mësuar tashmë me “bigbrodhera” ku gjithfarë kurvash prezantohen si vip, do gallatë, do skandale e luftë koqesh si e tha aq bukur një prej protagonistëve në luftën për Fronin e futbollit. /Publikuar në Facebook nga Roland LUÇI, ish- sulmues i Kombëtares dhe trajner futbolli/