Sot, Malësia e Madhe, kjo tokë me histori dhe krenari, u mbështoll në zi. Ndue Bacaj, publicisti, studiuesi, historiani dhe një nga penat më të frytshme të këtij çerekshekulli, ndërroi jetë në moshën 71-vjeçare, duke na lënë një boshllëk të pazëvendësueshëm në botën e mendimit dhe kulturës shqiptare.
Autor i disa monografive historike dhe i dhjetëra e dhjetëra biografive të figurave të shquara të trevës sonë, polemist i guximshëm, komentator i përhershëm në gazetat “Shqipëria Etnike”, “Dukagjini”, “Shkodra”, “Zani i Veriut”, “Malësia” “, Pishtari”, bashkëpunëtor i palodhur i revistave “Fjala”, “Malësia” dhe shtypit qendror — Ndue Bacaj ishte një zë që nuk heshti kurrë për çështjet madhore të kombit, historisë dhe identitetit.
Ai nuk ishte vetëm një publicist dh studiues por edhe një punëtor i përkushtuar i dijes, një mik i librit, një veprimtar i çështjes kombëtare dhe i aktiviteteve shoqërore. Si “Qytetar Nderi” i Bashkisë Malësi e Madhe, ai i dha këtij vendi më shumë sesa mori. E ndau jetën mes Shqipërisë dhe Amerikës, gjithnjë i lidhur me rrënjët, gjithnjë i përkushtuar ndaj komunitetit të tij.
Por kësaj here, vizita në Amerikë i ishte e fundit. Toka e bekuar që e priti për herë të fundit, iu bë vend tradhtie e prerje në besë, dhe ai u shua larg vendlindjes, kur ende kishte shumë për të dhënë.
Familja humbi njeriun e dashur, Malësia një nga bijtë më të denjë, ndërsa fjala e shkruar humbi një nga mbrojtësit më të përkushtuar të saj.
Sot, me ndarjen nga jeta të Ndue Bacajt, një nga penat më kushtrintare të Malësisë së Madhe, mbeti e ve. Qoftë i përjetshëm kujtimi i tij! /Nga Ndue BACAJ, publikuar në Facebook/
