Shkurtimisht: Para zgjedhjeve të 11 majit 2025 Edi Rama e zgjodhi dhe e mbështeti intelektualen nga Dukagjini Marjana Koçekun për t’iu bashkuar skuadrës së kandidatëve për deputetë të PS-s në Qarkun Shkodër, bile si kryesuese e listës. Natyrisht ky fakt u ba shkas, që nga Dukagjini të shtohet numri i votuesve per PS-n. Dukagjinsit ndiheshin të parfaqësuem per të paren herë në Kuvend nga nji kandidat i tyne.
Veç zgjedhjes se Marjana Koçekut si deputete, rritja e numrit të votuesve të Dukagjinit per PS-n ishte edhe nga nji fakt tjeter me shumë randësi.
Para zgjedhjeve te 11 majit 2025 kryeministri Edi Rama shkoi së bashku me kryebashkijakun Benet Becin në Dukagjin, ku ai zhvilloi nji bisedë me banort rreth ndertimeve te reja në Thethë nga dukagjinsit.
Kryeministri Edi Rama, si autoriteti ma i naltë dhe garantues i qeverisë shqiptare, u premtoi banorve, që do tu japim lejet zyrtare të ndertimit; do tu japin tapitë me shkrim të shtepijave të tyne; u tha se do ti heqin gjobat per punimet e maparshme pa leje në trojet e tyne dhe u bani thirrje, që ti këthejnë djelmt e tyne nga emigrimi, me qellim që ato të investojnë kursimet e veta per zhvillimin e turizmit në Theth.
Pra edhe ky premtim solemn i kryeministrit i shtyni dukagjinsit të votojnë me shumicë per kandidatin e PS-s Marjana Koçekun.
Rreth nji muej mbas votimeve kryeministri Edi Rama nisi fadromat e shoqnumë me policinë e shtetit per të ua prishe thethjanve shtëpijat e ndertume dhe iu tha paftyrsisht se nuk ju pata premtu kurgja.
Kështu deputetja Marjana Koçeku mbeti e turpnume karshi votuesve të sajë në Dukagjin (pjesë e Bashkisë së Shkodrës). Prandej asht Edi Rama ai, që e preu në besë deputeten nga Dukagjini Marjanen Koçeku dhe jo e kunderta. Marjana Koçeku nuk i ka kurgja borxh a sedi Ramës e askërkuj.
Unë habitem, se sa shumë ia ka zgjatë Edi Ramës NeoMalcorja fisnike Marjana Koçeku pa braktisë Partinë Socialiste. Këtu shifet se sa e durushme dhe e matun paska kenë kjo NeoMalcorja. Por si thotë nji fjalë e vjeter e malcorve tonë: “Por i urti kurr nuk ngutet, prej urtësisë e jo prej tutet”.
Erdhi momenti, që qeverisë shqiptare iu mbush kupa plot e perplot dhe populli shqiptar nuk i duron ma abuzimet e qeverive post komuniste në Shqipni.
Pra nga pikpamja morale fisnikja Marjana Koçeku nuk i ka kurgja borxh Edi Ramës. Përkundrazi.
E përsa i përket shantazheve dhe pretendimeve të pa baza ligjore per dorëzimin e postit të parlamentares nga ana e Marjana Koçekut, spjegimin ligjor e ka dhanë Profesor Romeo Gurakuqi si ma poshtë:
“Kushtetuta e Republikës së Shqipërisë, si çdo kushtetutë e një vendi parlamentar perëndimor, mbron lirinë e vendimmarrjes së deputetit, përfshirë të drejtën për t’u asociuar me një grup parlamentar, për t’u shkëputur prej tij, si edhe për të votuar ndryshe nga qëndrimi i grupit parlamentar.
Kjo është një e drejtë e konsoliduar prej më shumë se 130 vitesh në traditën e parlamentarizmit demokratik.
Për rrjedhojë, çdo presion për dorëheqje, i ushtruar për shkak të vendimmarrjes politike të deputetit apo të asaj që etiketohet si “transformizëm”, mund të përbëjë shkelje të rëndë të ligjit, përfshirë edhe përgjegjësi penale. Kjo duhet të mbahet mirë parasysh nga të gjithë ata që sot po veprojnë në kundërshtim me parimet kushtetuese dhe ligjore.
Po ashtu çdo presion i paligjshëm ndaj deputetëve për shkak të ushtrimit të mandatit të tyre kushtetues duhet të jetë objekt i vëmendjes së organeve ligjzbatuese”. /Nga Paul TEDESCHINI, dërguar për publikim në ShkodraWeb/
