Unë e du vendin tem. Edhe pse jam këtu në Shkodër ku ka një varfëri të jashtëzakonshme. Këtu ka sipërmarrës që ofrojnë punë, edhe me shumicë, por që shteti asnjëherë nuk i ndihmoi që të kishin mundësi për të rritë rrogat e punonjësve.
Në Shkodër biznesi ka të ardhura shumë të ulëta. Ka ngelë me një margjine, ose utile, ose fitim, shumë, shumë të ulët. E shteti nuk e ka lëviz as gishtin për keta njerëz patriotë, sepse të besh biznes nga Shkodra do të thotë të jesh me të vërtetë patriot. E filluam me rrënoja fabrikash e uzinash, por me shumë shpresë.1997 na ktheu shumë mbrapsht, por ditëm ta kthenim disfavorin, në favorin tone.
Shkodranët e mirë janë të talentum…Me sakrifica të pabesueshme shkolluam femijët, sepse ata janë gjaku jonë, e ardhmja. Sot qyteti im shumë i dashtun, që në asnjëherë nuk ja kthyem shpinën, sepse jemi nostalgjikë të pashëruar, kërkon frymëmarrje. Nuk është slogani politik. Politika e vërtetë është mjet i mirë, por kërkon dashuri e pasion që të stimulojë zhvillimin, kërkon zemër të mirë.
Gjithsesi, Shkodra nuk është vendi I bandave. Ato banda që ju përmendni tash e parë, luftën e kanë me veten e tyne jo me ne. Antishqiptarët e kanë me ne. Ata që politika (majtas e djathtas) ndoshta i ka vu në piedestal, për LËPIRJE. Sepse duke iu lëpirë politikës zhvatëse e disfatiste, ata i dhanë famë vetes. Por shpejt historia ka me i fshi me gomën e vet, ose dyllos si tradhëtaret e kombit.
Shkodra duhet modernizuar. Shkodra duhet të largojë urrejtjen dhe çdo politikan që e ushqen direkt dhe indirect urrejtjen politike, urrejtjen etnike, urrejtjen fetare…Nuk ka pse të ketë jabanxhi apo të ardhun në Shkoder. Çdokush që e jeton atë ditë për ditë, orë për orë, asht shkodran i vjetër.
Mos e bani Shkodrën oazin e atyre që vazhdojnë ta përdorin… E mos u sillni si dhelpna me rrushët që kur nuk i kapi dot, tha s’ janë për mu se jan papjekë! Çdo njeri që bën ndryshimin në Shqiperi është patriot. /Nga Merita BEKTESHI URBANO, publikuar në Facebook/
