Të dashur bashkëkombas!
Një frymë urrejtje dhe linçimi publik po merr jetë në rrjet, në lidhje me protestën që po zhvillohet në Tiranë. Frymë e cila mund të shkojë në një lloj përçarjeje sociale.
Në një shoqëri të lirë:
-Je i lirë të protestosh, pa të gjykuar askush si armik i vendit tënd.
-Mund të mos protestosh, dhe sërish nuk je vegël e atij apo këtij.
-Mund të jesh emigrant, dhe ta ka qejfi të marrësh rrugën nga Zelanda e Re për të bërtitur kundër qeverisë.
-Por ata që nuk vijnë nuk janë të këqinj dhe ti i mirë.
-Mund të jesh matanë Korçës duke punuar në arat er Greqise, e nuk vjen të protestosh, dhe askush nuk duhet të të gjykojë.
-Por, ata që nuk vijnë të protestojnë, nuk kanë pse ti gjykojnë ata që vijnë.
Dikujt ia ka qejfi të qëndrojë natë e ditë para trotuarit të kryeministrisë, e nuk i jep llogari askujt!
Dikujt ia ka qejfi të punojë atje në ndërtim dhe të jetë i lumtur, dhe nuk i jep llogari askujt. Por në momentin kur, ai që rri tek trotuari, fillon dhe lufton me atë që punon tek mullari, këtu ka nisur rreziku.
Askush nuk përfaqëson, as Shqipërinë, as shqiptarinë, as diasporën, as myslimanët, as të krishterët, as të ndershmit e as të djallëzuarit.
Politika në këtë vend, jo sot, por qëkurse erdhën dhe ikën turqit, është ushqyer si këpushë mbi përçarjen e shqiptarëve. Përçarjes fetare ia kemi gjetur ilaçin. Ndërsa përçaja politike është një armik që e gërryen paqen sociale çdo ditë. /Nga Mentor KIKIJA, publikuar në Facebook/
