NGA MARK RUPA – Shkodra pa një pishine olimpike, uroj tu vijë shkodranëve dhe sportit të notit…!

Noti për shumë kend në Shkodër eshte stil jete, eshte pune dhe pjesë e një angazhimi pothuajse të përditshëm, është pasion është dhe sport.

E lashë sportin për në fund sepse për shumë vite sportistet e shumtë, ish- rekordmenet dhe kampionet e vllaznise, ne mungese totale të infrastruktures sportive notonin vetem me zemër.


Sot falë një kompleksi me pishina rekreative (investimi privat) dhe angazhimit admirues të Prof. Kole Shiroka kjo disipline po i rikthen Vllaznise medaljet e harruara ne ketë sport. Në video paraqitet një seance e shkurter nga stërvitja e ekipit të Vllaznise.

Sot mungojnë në Shkodër pishinat e mirëfillta sportive.

Pishinat përveçse qëndra sportive janë dhe qendra komunitare ku jepet mundësia që njerëzit e të gjitha moshave të bëjnë jetë më aktive, më të shëndetshme, më të lumtur.

Për Shkodrën e rrethueme me ujëra pishinat kanë një rëndësi të veçantë pasi qindra e mijëra fëmijë të këtij qyteti mund të mësojnë në mënyrë profesionale një aftësi që një ditë mund të shpëtojë jetën e tyre – ose të dikujt tjetër.

Ndoshta thirrja e parë shkon për Prefekten e Shkodrës Zj. Majlinda Angoni dhe Kryetarin e Bashkise Z. Bardh Spahia ! Jam i sigurtë që një angazhim i koordinuar e mundëson shumë shpejt një ënderr të tillë për Shkodrën.

Uroj qe një pishinë e mbyllur olimpike ti vijë qytetarve shkodranë dhe sportit të notit në Shkodër! /Publikuar në Facebook nga Mark RUPA/