Luçianon e kam njohur shumë vite më parë, në tryeza me diplomatë dhe politikanë, vendas e të huaj, ku diskutohej për politikën, zhvillimin – veçanërisht të arsimit. Një njeri me vizion, i qetë, modern dhe elokuent. Kur pyeta miqtë e mi në Elbasan, përgjigjja ishte e drejtpërdrejtë: i ndershëm, çfarë thotë, e mendon mirë; çfarë premton, e çon deri në fund. Një burrë me vendosmëri të rrallë.
Sot jemi miq. Unë vetë jam i lidhur me Elbasanin – prej andej kam gjysmën e familjes. Sa herë më bie rruga, nuk largohem pa u përshëndetur me Luçianon te “Le Olive” – një kafene e këndshme mbi një kodër me ullinj. Një vend i qetë, ku të duket sikur ndjen Elbasanin e dikurshëm – me ritmin e vet, me mikpritjen dhe bisedat që zgjasin më shumë se një kafe.
Shkodra është një qytet me za dhe zemër të madhe – dhe Luçiano di të flasë me qytetarinë dhe zemrën e vet.
Shkodra dhe Elbasani kanë shkëmbyer gjatë historisë vlera, njerëz dhe ide. Sot, përmes Luçianos, ky shkëmbim vazhdon – me një kandidat të profilit kombëtar, që e njeh thellësisht peshën e përgjegjësisë, të fjalës dhe forcën e veprimit.
I uroj me zemër shumë suksese – dhe besoj se në ansamblin politik të Shkodrës dhe Shqipërisë, Luçiano do të jetë një mbështetje e veçantë. /Nga Mark RUPA, publikuar në Facebook/
