Zj. Bilali, fjalë me interesë janë pronësia dhe zhvillimi! Me sa shihet në Shqipëri është krejt e lehtë të marrësh një vëndim shpronësimi, mjaftojne pak javë! Po për njohjen e të drejtës së pronësise mbi shtëpitë dhe tokën? Zj. Ministre ne kemi 30 vite qe presim.
Fjala “shpronësim” mund të merret për mirë dhe për keq. Në fakt në këtë rast lajmi mund të mos përqëndrohej tek shpronësimi por tek rruga dhe mbështetja e “Interesit Publik”, pra vepra që do ndertohet aty dhe impakti i saj në zhvillimin e gjërë të zonës.
Ajo rrugë është përmirësuar plotësisht gjatë mandatit të parë të Qeverise Rama dhe vazhdon të jetë në kushte të mira. E di që e mira ska fund por pse sot përsëri një investim në atë rrugë?
Po rri në pritje të një sqarimi pozitiv se çfarë do bëhet dhe çfarë synon ky investim. Ndërkohë unë po hamendësoj sipas dëshirës:
– Ndoshta në atë drejtim, paralel me këtë investim, do të kalojë dhe hekurudha Durres – Prishtine. Në Korrik të këtij viti në Kuvendin e Kosovës u miratua projektligji për hekurudhën Durrës-Prishtinë.
– Nëse vazhdon investimi me atë rrugë lidhet Postriba, Pulti, Shoshi, Shala dhe afrohet aksesi me të gjithë luginat dhe kreshtat e Alpeve te Shqipnise. Është një rrugë e shumë pritur nga ato zona por që e fantazonte dikur dhe Pader Gjergji ne dramen “Shqiptari i Qytetnuem”.
– Nëse vazhdon investimi i kthen Alpet Shqiptare në një burim të jashtëzakonshem të ardhurash për Shkodrën, Malësine e Madhe, Tropojën dhe më gjërë. Rrit numrin e vizitorve, përmirëson shërbimet rekreative dhe të mbrojtjes së mjedisit, përmirëson shërbimet për komunitetet që jetojnë atje dhe rrit numrin e investitorve vendas e te huaj.
– Është rruga qe po hyri në zemër te Alpeve Shqiptare i hap perspektiven një koncepti të ri në harten administrative të asaj zone ku më vonë mund të lidhen njësi administrative me kapacitete njerëzore të pasura , kapacitete natyrore të mjaftueshme dhe prioritete të përbashkta zhvillimore.
Mund të vazhdoj gjithë natën me ëndrrat e mija për ato zona. Për momentin uroj që ky lajm të jetë fillimi i diçkaje të mirë dhe të veçantë! /Nga Mark RUPA, publikuar në Facebook/
