Në faqen e saj, Akademizma poston me bujë lajmin se po mblidhka një konferencë shkencore pranë vetes. Ngeshëm siç jam, pas një dite të mbarë masterash, i hedh një sy avazit.
Më kap një i papërmbajtur gaz! Në tri fjali, plot katër gabime gjuhësore të rënda (i keni me të gjelbër të trija, i katërti gabim është mungesë kulture gjuhësore dhe do ta shpjegoj)
1. Akademia e Shkencave SË Shqipërisë… Po këtë farësoj lakim të nyjes nga e gjetët?! Po edhe emrin tuaj gaboni bre?! (versioni i saktë: Akademia e Shkencave e Shqipërisë).
2. Do të mbledh (Akademia do të mbledh)… Mungesa e ë-së fundore (versioni i saktë: do të mbledhë; koha e ardhme, veta e tretë, numri njëjës). Kolegët e IGJL e kanë cilësuar këtë lloj gabimi si shfaqje të kategorisë gjysmëanalfabete. Flisni njëherë me kolegët e mi aty, se mos ju ndihmojnë me ndonjë kurs të përshpejtuar.
3. Në fakt forma e drejtë duhet në shumës “do të mbledhin”, mqs fjalia nis me “Akademia Gjermane… dhe Akademia e Shkencave..”, pra të dyja do të mbledhin. Që t’jua shpjegoj si në klasë të pestë fillore kur mësohen këto, kryefjala në këtë rast përbëhet nga dy gjymtyrë homogjene dhe kërkon si kallëzues një folje në numrin shumës. Edhe ky moskoordinim është tipar i gjysmëanalfabetëve.
4. Konferenca e 7-të… Shkruhet ”e 2-të, e 3-të, e 5-të”, por ama shkruhet “e 7”, se shtatë si numëror themelor e ka vetë “të” në fjalë. Siç e keni shkruar ju, lexohet E SHTATËTË. Rregulla quhet “kalimi nga numëror themelor në numëror rreshtor”. Mësohet në klasë të katërt (ose në daçi të 4-t)
Nuk po vijoj më tej leximin e lajmit tuaj se kushedi ç’gjej. Më dhimbseni!
Unë do t’ju kisha ngelur në Provimin e Lirimit të Gjuhës Shqipe, po ju konsiderojeni gjithësesi veten të liruar. Tani jeni të lirë ta korrigjoni statusin. /Nga Ledi SHAMKU SHKRELI, publikuar në Facebook/
