Ndërsa kanë nisur diskutimet mbi dialektin që përdoret në Kuvend gjatë diskutimeve të deputetëve, duke marrë shkas nga deklarata e deputetes së Shkodrës Marjana Koçeku, e cila ka deklaruar përdorimin e dialektit Gegë me qëllim, ka nisur edhe “rreshtimi” pro e kundër i personazheve të ndryshme.
Në Shkodër, Imeldi Sokoli, këshilltar bashkiak, përmes një publikimi në rrjetet e tij sociale, është rreshtuar në krah të deputetes së qarkut Shkodër. Ai shkruan:
“Asht hap nji diskutim idjot mbi gjuhen e folun n’Parlament që nuk kenka simbas standardit të gjuhës shqipe. N’fakt n’fakt diskutimi duhet me ken krejt tjetër në lidhje me shtremnimin që ka standardi i gjuhës simbas kongresit të vitit 1972. Në kët kontekst ftoj tan kto ‘dashnorët’ e gjuhës standarde që ‘Tiranës’ ti thonë ‘Tirëra’ simbas rregullit të gjuhës standarde…”, shkruan Sokoli.
